Bjarni Kárason Petersen

Eg eri 25 ára gamal, og havi lokið students- og handilsskúlaprógv í Havn. Eg havi verið formaður fyri ungmannafelagnum hjá Framsókn – Framsøkin Ung – frá 2014 til 2016.

Eg eri frælsislyntur, og raðfesti frælsi fyri tí einstaka.

Persónligt, tjóðskaparligt og vinnuligt frælsi er grundarlagið undir mínari politisku áskoðan, og frælsi er grundarlagið undir mínari persónligu heimsmynd. Tað er mín sterkasta sannføring, at eitt frælst fólk, ein fræls tjóð og ein fræls vinna er vegurin fram fyri at tryggja vælferð og vøkstur í Føroyum.